Niejs

Hoeëgheid Bas I (Nollé) woort gebaore in 1991 in Venlo. In de jaore die veurbeej ginge waar hae thoes in Grevors, Tilburg en in ’t Ven, maar al jaore woeënt hae weer in ’t hertje van ós stad. ’t Prinseblood struimp door zien femilie, want pap Guus waar in 1985 prins Guus I beej Vastelaovesgezelschap ’t Tremke.

Vastelaovend vierde ózze niejen hoeëgheid as deilnemer in d’n optoch, in de jeugraod van vastelaovesvereiniging De Wien, as raodslid beej de Venlose Boys en as lid van de Raod van Elf van Jocus Toekóms en as kloeker van ‘n pilske in de stad. As hoeëgheid Bas I gen vastelaovend viert is hae verslaaggaever beej Umroop Venlo en werkzaam as korrespóndent en indredacteur beej de sportredaksie van De Limburger. Hae is ‘ne leefhebber van meziek en speult gitaar, veur ‘nen tied in ‘nen bend, maar noow veural veur zichzelf en zien bure.

 

Adjudant nummer ein Luc Rayer woort, net as d’n hoeëgheid, gebaore in 1991 en haet beej oetstek de meiste kilomaeters op d’n teller staon. Hae woort gebaore in Holt-Blierick as jóngste in ‘n gezin van dreej. As kleinen blaag kwaam hae aevel weer in Venlo te woeëne, wao hae op de Greunveldschoeël hoeëgheid Bas lierde kinne.

Talent had hae veur voetballe. Ziene pap Henk en zien broor Maurice ware aktief beej VVV en ouk adjudant Luc speulde in ’t ieërste van VVV, in zien geval det van VVV’03. Taegeswaordig woeënt adjudant Luc in Kölle wao hae salesmanager is van Lindner Hotel City Plaza ****. Mit ózze prins werkde hae jaorelank beej Ronnie Bezine en is hae is ziene steun en toeverlaot wennier Bas I idder jaor op vastelaovesdinsdaag mót kriete umdet de vastelaovend veurbeej is.

Ajudant nummer twieë Sjors Bindels, mak dit dreejspan kómpleet en is ouk gebaore in 1991. As derde jong in ‘n gezin van dreej greujde hae op in de Venlose wiek Vinckeböske. Hae is net gereid mit studere aan de kunsacademie in Arnhem en alzoeë veur noow weer truuk nao zien roots. Behalve in Venlo, is adjudant Sjors ouk dök in Barcelona te vinde. Vrees veur ’t podium haet dezen adjudant zeker neet.

As kleinen blaag stónd hae al op de plenk in de Venlose Revue Waat ennen tied II en as buuttereedner Wielke in gemeinschapshoes D’n Dörpel. As afgestudeerd kunstenaer meugde hae as curator al twieë exposities verzörge in ós eige Museum Van Bommel Van Dam. Hae waar collega van prins Bas I en adjudant Luc beej Ronnie Benzine en ouk adjudant Sjors haet de niejen hoeëgheid al dök getruues op vastelaovesdinsdaag.

 

'n Mini-documentaire wao in Alwin van Herwaarden, prins van Vastelaovesgezelschap De Vaegers, centraal steit. Weej volgen 'm tiejens de Vastelaovend en zeuke de 'celebrity' in 'm op. Wae is de man achter de prinsemuts?

 

Mit dank aan:

Alwin van Herwaarden (Prins Alwin I)

& zijn adjudanten Stijn Brouwers & Erwin Cuijpers

Vastelaovesgezelschap De Vaegers

 

Film & Montage:

Thijs Jacobs

Rutger de Quay

 

 

 

 

Alwin I mit zien adjudante Stijn en Erwin

Dao isse dan, de nieje hoeëgheid van VG De Vaegers, prins Alwin I. In Venlo ouk waal bekind as Alwin van Herwaarden, oetbater van Kefee De Galerie. Eine echte Venlonaer, al stónd zien weeg 34 jaor geleje in Baolder. De Baolderse Kook leet alweer 'nen tied achter um en ózzen hoeëgheid is eine echte Venlonaer dae glans guuf aan de Parade. Zienen adjudant Stijn is nao eige zegge zien rechterhand en einen echte vastelaovesgek. Adjudant Erwin in combinatie mit gezelligheid, ein baetere match is d'r volges Alwin I neet. Noow geit hae ós kómmende vastelaovend veur mit ein zekerheid; ze zien neet de flotste, maar waal de knapste.        

Adjudant 1 is in 't dageliks laeve baeter bekind as Stijn Brouwers. Gebaore en getaoge in Venlo en 27 jaor ald. Vastelaovend lierde hae as kleinen blaag viere beej 't Hane Ei, de vereiniging waovan zien elders lid ware. Sportief stónd hae zien menke beej hockeyclub VHC en werke deed hae lange tied in de horeca. Begós beej Central achter d'n tap en oetintelik achter de potte en panne. Lang werkde hae same mit d'n hoeëgheid beej Kefee De Galerie wao de basis woort gelag veur 'ne nieje standaard: gen grenze, alles meug en ein dink mót: confetti. Hiel vuuel confetti.

Adjudant 2 luustert nao de naam Erwin Cuijpers, gebaore te Venlo en noow 31 jaor ald. Opgegreujd in 't Ven lierde hae vastelaovend viere beej de jeugdraod van elf van De Moeraskwaakers. Al wet hae dao nao eige zegge neet mier hiel vuuel van. D'n hoeëgheid kint hae vanachter de bar van de Golden Tijger wao zeej allebei werkde. Dao óntstónd 'n vrindschap die tot d'n daag van vandaag besteit. Nao dreej jaor bedriefsleider te zien gewaes werk hae noow as zelfstandig online marketing regelnaef. 

 

Onder de twieëde editie van de Hoeskamerzitting in de Venlonazaal haet Vastelaovesgezelschap de Vaegers eur motto veur het nieje seizoen bekind gemak. Mit ‘t alleszeggende ‘Minse wie weej’ bringe de Vaegers ‘n ode aan ‘t Venlose stads-icoon Frans Boermans. De zier gerespecteerde leedjesschriever, teksdichter en Venlonaer van de ieëw zoel in ‘t jaor 2017 ziene hónderdste verjäördaag hebbe meuge viere. Boermans schreef ónder mier de bekinde leedjes: Och waas ik maar beej moder thoes gebleve, Josefien, en dus ‘t nieje Vaegers-motto:  Minse wie weej. 

 

 

 

Op zaoterdaag 19 november haet Vastelaovesgezelschap de Vaegers ónder de Hoeskamerzitting eur hoesorde oetgereik aan d’n hier Harry Pouwels. D’n ald Vors van Jocus krieg dees iervolle onderscheijing waeges zien verdeenste en waerdevolle beejdrage aan ‘t bevordere en in stand halde van de Venlose Vastelaovend. In ‘n good gevölde Venlonazaal waar ‘t de ier aan ózze zittend Vors Vaeger Harry Lücker um ziene naamgenoeët bestutend toe te spraeke en de versiersele op te spelde. Pouwels zelf haet nao 15 jaor Vorste-dom en veurzitterschap ziene scepter euvergedrage aan ‘ne nieje Vors Joeccius XI. In zien regeerperiode introduceerde hae ónder mier d’n Opstaeker en waar ouk ing betrókke beej de organisasie van de Boetezitting. Ierder dit jaor kreeg Pouwels nog ‘n keuninklike onderscheiding, noow meug hae dao in alle gruuetsigheid de iervolle Vaegers hoesorde aan toeveuge.

VG de Vaegers heeft binnenkort weer hun jaarlijkse Hoeskamer-zittingsavond.Het Vastelaovesprogramma zal bestaan uit oa unne buut van Jan Strik , Dansgarde Moers, Friet-ei, Trio ongeplök, Twië X Twië,  De Toddezek,  4 winnende leedjes Jocus en Willi oet Kevelaer .  Prins Leon  en zijn adjudanten  Rob en Ron zullen deze avond aftreden en tevens zal VG de Vaegers hun huisorde, aan een bijzondere persoon die zich voor de Venlose Vastelaovend heeft ingezet, gaan uitreiken. Deze Hoeskamerzitting  is op zaterdag 19  november en begint om 20.11 uur. De zaal is open vanaf 19.11 uur. Venlonazaal, Hogeweg 10-16 te Venlo. Kaarten zijn verkrijgbaar via www.vaegers.nl à € 7.50 of aan de kassa

Hoeskamerzitting op Facebook

Vriedaag 22 mei haet V.G. De Vaegers eur jaorvergadering gehalde in de Venlonazaal. Hoewaal dr volges de aan- en aafmeldingeliès negetig minse zoele motte zien, kwaam de teller ongeviër op viefenviërtig oèt. Daormei is de opkôms redelik te neume. Intimi verklaorde de dees opkôms vuuël hoëger had kinne zien, as V.V.V. eure voetbalwedstrièd, zoëas gevraog, had verplaats naor eine andere datum.