Niejs

Vaegers hoesorde veur d’n hier Harry Pouwels

Op zaoterdaag 19 november haet Vastelaovesgezelschap de Vaegers ónder de Hoeskamerzitting eur hoesorde oetgereik aan d’n hier Harry Pouwels. D’n ald Vors van Jocus krieg dees iervolle onderscheijing waeges zien verdeenste en waerdevolle beejdrage aan ‘t bevordere en in stand halde van de Venlose Vastelaovend. In ‘n good gevölde Venlonazaal waar ‘t de ier aan ózze zittend Vors Vaeger Harry Lücker um ziene naamgenoeët bestutend toe te spraeke en de versiersele op te spelde. Pouwels zelf haet nao 15 jaor Vorste-dom en veurzitterschap ziene scepter euvergedrage aan ‘ne nieje Vors Joeccius XI. In zien regeerperiode introduceerde hae ónder mier d’n Opstaeker en waar ouk ing betrókke beej de organisasie van de Boetezitting. Ierder dit jaor kreeg Pouwels nog ‘n keuninklike onderscheiding, noow meug hae dao in alle gruuetsigheid de iervolle Vaegers hoesorde aan toeveuge.