Niejs

Verschillende leeje onderscheide

Vriedaag 22 mei haet V.G. De Vaegers eur jaorvergadering gehalde in de Venlonazaal. Hoewaal dr volges de aan- en aafmeldingeliès negetig minse zoele motte zien, kwaam de teller ongeviër op viefenviërtig oèt. Daormei is de opkôms redelik te neume. Intimi verklaorde de dees opkôms vuuël hoëger had kinne zien, as V.V.V. eure voetbalwedstrièd, zoëas gevraog, had verplaats naor eine andere datum.

 

 

AAFTREEJENDE KEMISSIE- EN BESTUURSLEEJE:

 

Tièdes de jaorvergadering waord bekind gemak det Martijn Leenders (woordvoerder Joekskemissie) en Jeanette Leenders (woordvoerder AZ-kemissie) ut bestuursstökske gaon euverdrage. Beej de stumming waorte Bas Pellens (joeks) en Jeroen van Ulft (AZ) gekaoze as nieje waordvoerder. John Huberts waord gekaoze as nieje penningmeister.

 

De Vaegers bedanke de aaftreejende kemmissieleeje veur eure inzet, en winse de nieje kemissieleeje vuuël succes en wiesheid toe in eur nieje functie.

 

VERSCHILLENDE LEEJE ONDERSCHEIDE:

 

Martijn Leenders ontvink bronze vaegers vereinigingssspeld

 

martijnHoewaal Martijn al as jonge hens mei ging met zien pap en mam naor de Vaegers, en hae toen nog, onder ut inmiddels aafgeschafde femilie-lidmaatschap veel, is ut eine tiéd ondudelik gewaes wie lang Martijn dan lid is van de vereiniging. Dr is beslaote um te telle vanaaf det hae zelf zien contrubuzie is gaon betale. Daormei is Martijn Leenders noow elluf jaor lid en haet daormei de bronze Vaeger verdeent.

 

Jan Huibers 33 jaor lid van de Vaegers

 

janhuibersDe heufs de naam Jan binne de Vaegers te neume, en idderein wet metein euver wae det ze ut hes. Euver Jan, netuurlijk! Al 33 jaor zet deze man zich in veur os vereiniging. Jan is veural bekind as ald-prins, maar sommige kinne um onder ziene artiestenaam "Video-Piet".

 

Behalve det Jan zich al jaore inzet um video opnames van ut dreejspan te make, is hae auk binne te technische kemissie actief.(maar allein op de onaeve waeke)

 

Marion Backus 33 jaor lid van de Vaegers

 

iemusNet as Jan, is auk Marion Backus al 33 jaor actief binne os vereiniging. Marion haet in al die jaore verschillende dinger gedaon veur de vereiniging. Ein van de dinger die toch waal oétspringe is det zeej letterlijk aan de weeg haet gestaon van de vorming van ôzze huidige Chef de Protocol. Zonder eur gooje (op)voeding, had ozze chef misschiens waal ein gans ander plichsbesef gehad.Auk Marion wuurd gepreze veur alle dinger die zeej gedaon heat veur de vereiniging.