Jaorlikse evenemente

Hudjesbal

D’n tradiotionele Hudjesbal is ein van de hoeëgtepunte in ‘t Vastelaovesseizoen van De Vaegers. D’n aovend wao ‘t nieje Vaegers dreejspan veur ‘t iers aan gans Venlo wuurt geprissenteerd. Gans verkleid kómme is neet nuuedig, ein joeksig hudje op de kop is al genóg um binne te meuge kómme. ‘n  Vakbekwame jury bepaolt wae ’t moeëjste hudje van d’n aovend op de kieëbus haet en guuef dao ‘ne schoeëne pries veur weg. 


Prinseresepsie

Viertieën daag nao ’t oetkómme van de niee prins van De Vaegers, kin iddere Venlonaer de nieje hoeëgheid en zien adjudante kómme fillicitere op zien Groeëte Resepsie. ‘t Dreejspan wuurt speciaal veur dees gelaegenheid thoes aafgehaold daor de Raod van Elf en ‘t Joeksmobiel. Mit vuuel geträöt, joeks, plezeer en ‘n bietje beer bringk ‘t Joeksmobiel d’n hoeëgheid nao de Vaegersresidensie (Venlonazaal) wao um elf minute euver twieë de resepsie begint.

 


Vaegers Live

Örges in november kump d’r ‘n ind aan de regeerperiode van de Vaegersprins en zien adjudante. Zien letste opwachting mak de prins op de Vaegers Live van de Vaegers die in de Venlonazaal wuurt gehalde. Ein gevarieerd program van meziek en buutereedners wuurt gevolg door ’t aaftreje van 't dreejspan.

Tiejes de zitting wuurt tradisiegetrouw ouk de Hoesorde van V.G. de Vaegers oetgereik aan ‘ne persoeën dae zich op ein bizóndere wies haet ingezatte veur de Venlose Vastelaovend.

 


Prinselikke poszegel

De prins van De Vaegers priek idder jaor mit zien mörfke op ‘ne echte prinselikke poszegel. Dao mei neemp de Vaegersprins ein unieke posisie binne de Vastelaoveswereld in. Sinds 2006 wuurt de prinselikke poszegel mit ierste daagstempeling oetgegaeve. De prissentasie van de poszegel gebeurt op ‘ne feestelikke aovend, de maondaag nao ’t oetkomme van de nieje prins in de Venlonazaal.

 

Klik heej um de poszegels te bekieke.

 


Wazelaer

Iddere vereiniging haet ‘n eige blaad. Veur De Vaegers is det al 33 jaor De Wazelaer.

Lange tied waar det ‘n bookwerk wao in de nieje prins woort veurgesteld en waat kwante verhaole in stonde.

Vanaaf 2007 aevel, gaeve De Vaegers idder jaor ein vastelaoveskrant oet. ’t Book woort ingeleverd veur krantepepeer, de naam bleef neteurlik waal ’t zelfde. De Wazelaer kint nog mier kwante verhaole en wuurt in gans Venlo hoes aan hoes bezörg. De prissentasie van de krant is altied op ózze sponsoraovend, de maondaag nao ’t Hudjesbal in De Venlonazaal.

 

Klik heej um de Wazelaers te laeze.