Ónderscheidinge

Binne de Vaegers hebbe weej de KOB, Kemissie Ónderscheidinge Beleid. Dees kemissie, bestaonde oet de hiere Wiel van Mosseveld, Harry van Dreumel en Toine Hazenbosch, bepaole in al eur wiesheid wae d'r in aanmerking kump veur ein van ós onderscheidinge. 't Veurzitterschap van dees kemissie is in hand van ózze vors: Harry Lücker De ónderscheidinge binne V.G. de Vaegers:

 

  • Hoesorde
  • Golden Bessem
  • Brónze- / Zilvere- / Golde Vaeger
  • Brónze- / Zilvere- / Golde Vaegerke
  • Kruuts van Verdeenste
  • Raodskruuts
  • Prinsekruuts / Adjudantekruuts
  • Hoesorde

 


Hoesorde

De hoesorde van de Vaegers wuurt oetgereik op ós prónkzitting (Hoeskamerzitting) in november aan 'ne persoeën dae zich op 'n bezóndere wies haet ingezatte veur de Vaegers of de Venlose Vastelaovend in 't algemein.

Dragers van ós hoésorde zien o.a.de hiere: Jan Engels, Toine Hazenbosch, Theo Peeters, Jan Pollux, Wim Roeffen, Gé van Beek, René Thijssen, Hay Crompvoets, Peter Janssen, Wim Jansen, Wiel Hermans, Sef Gubbels, Wilfred Wieland, Herm Pollux, Gé Deenen, Bram Holla en Ruud Stikkelbroeck, W-dreej, Frans Pollux

 


Golden Bessem

De hoeëgste gezelschapsónderscheiding is 'De Golden Bessem'.Dees is door 't KOB in 't laeve gerope tiedes 't aafscheid van Harry van Dreumel as Vors Vaeger, Harry van Dreumel is op dit moment nog d'n insigste Golden Bessem drager

 

 

 

 


Brónze / Zilvere / Golde Vaeger

 

De brónze-, zilvere- of golde Vaeger wuurt oetgereik aan 'n gezelschapslid dae zich op ‘n bezóndere wies verdeenstelik haet gemak binne 't gezelschap.

De KOB besluut of d'r ein brónze-, zilvere- of golde oetveuring van dees ónderscheiding toegekind wuurt.

 

 

 


 Brónze / Zilvere / Golde Vaegerke

 

De dragers van 't brónze-, zilvere- of golde Vaegerke zien respektievelik 11, 22 of 33 jaor lid van ós Vastelaoves Gezelschap.

 

 

 

 


 Kruuts van verdeenste

 

t Kruuts van verdeenste wuurt toegekind aan ‘n lid van de Raod dae zich op ‘n bezóndere wies haet ingezatte binne de raod van V.G. de Vaegers.

 

 

 


Raodskruuts 

Aan 't Raodskruuts kint geej zeen welk lid d'r 11, 22 of 33 jaor in de Raod van Elf zit.

 

 

 

 

 


 Prinse en Adjudantekruuts

 

Op de letste daag van eur regere, de prònkzitting in november, waere de prins en zién adjudante òntdoon van eur regalia.

Als herinnering aan dae moeëje tiéd én veur de herkinbaarheid òntvange zeej dan 't prinsekruuts en 't adjudantekruuts det zeej gruuëts meuge drage.