Raod van XI

Q

Vors Vaeger

Harry Lücker

As Vors Vaegers bin ik in de Vastelaovestied de spraekbuus van 't gezelschap. Dao kint dan ouk idderein mien mörfke van. Maar achter de scherme helt 't Vors zien vuuel mier in. De Vors vormp same mit de Sirremoniemeister en de Chef du Protocol de prinsekemissie. Van 't oetzeuke van 'ne niejen hoeëgheid, 't begeleide van 't Dreejspan in de aanloup nao 't Hudjesbal, de vastelaovend, wies 't aaftraeje in november det zien ós dankbare take.


Sirremonimeister

Leon Lankes

Mien rol as Sirremoniemeister helt in det ik same mit Vors Vaeger ’t protocol regel, zoeëas de tieje van beejeinkómme en vertrek van 't gezelschap, ’t regele van verveur en aafspraoke make mit lokaties wao weej vertoeve. Vaerder hald ik de aan- en aafmeldinge beej, zoeëdet ik altied weit wae we waal en neet beej ós hebbe.

Same mit de Vors, Chef du Protocol en ózze veurzitter óndersteune weej de nieje Dreejspanne vanaaf 't moment det ze gevraog waere wies 't moment det de prinsemuts ouk weer 'ne kier aafgezatte mót waere.

Binne ’t protocol zien d’r neteurlik ouk regels, 't nuuedige klatergold en parelwien in de vastelaovend. Mit de Vors zeen ik d’r op toe det dees regels naogelaef waere.

Op de buun zörg ik det de Raod van Elf zien protocolaire instrukties krieg. De bel is daobeej ónlosmakelik verbónde aan de rol van Sirremoniemeister. En op bevel van Vors Vaegers bring ik neteurlik altied gaer 'nen ónvervalsde dreej-döbbele viefklap oet!


Chef du protocol

Edwin van Boven

As 't nieje dreejspan door de prinsekemissie gevraog is bin ik ein van de ierste dae mit 't Dreejspan kinnis meug make. En dan geit mien werk beginne. Same regele weej de kleier, 't foto's make, medalies make. Weej bespraeke de kómmende aktiviteite zoeëas 't oetkómme op 't Hudjesbal, de resepsie en de bezeuke aan ós zusterverenigingen

As 't belke einmaol rolt en 't Dreejspan zich opmak um zich, veur 't Hudjesbal, aan de Raod veur te stelle, zörg ik d'r veur det kleijer en regalia veur 't Dreejspan en de Raod van Elf gereid zien. De Raod meug zich dao zelf in verzörge, maar det 't Dreejspan d'r op en top oet zuut is mien verantwaordelikheid. Net zoeëas 't zörge det d'r altied ónderscheidinge zien en det 't Dreejspan de hand vreej haet.


Raod van XI

De Raod van Elf besteit oet de Vors en 10 wieze manne die 't Dreejspan in eur jaor begeleije, óndersteune, helpe en smeis veur de gek halde. In ein wisselende samestelling, nao gelang d'r aanmeldinge zien um nao resepsies mit te gaon, hebbe 10 hiere de raodsmuts op en de pluuj in de hand. Maar det wilt neet zegge det de res dan neet mei meug gaon.

De meiste raodsleje zien aktief in ein van ós kemissies en helpe zoeë de zaak dreiend te halde. Neet allein is det good veur de Vaegers as gezelschap, maar zeker ouk veur d'n ónderlingen band.

Daen band wuurt idder jaor weer versterk op ózze raodsdaag, wao weej op ein of andere wies ós krachte doon maete. En nao aflaup höffe weej gaer de glaeskes in de lóch.


Iere leje

Binne ós gezelschap zien der vuuel leje aktief. Sómmige van dees leje hebbe al 'n indrökwekkende lies van verdeenste. Dees leje zien dan ouk as dank heejveur door 't KOB beneump tot ierelid van de Vaegers. Dees leje zien:

D'n hier Johan van Haren, D'n hier Sjraar Driessen
, D'n hier John Leenders
, D'n hier Wiel van Mosseveld, D'n hier Piet Peeters († 22-01-2010)