Wat steit d'r op de planning?
Hudjesbal
D’n tradiotionele Hudjesbal is ein van de hoeëgtepunte in ‘t Vastelaovesseizoen van De Vaegers. D’n aovend wao ‘t nieje Vaegers dreejspan veur ‘t iers aan gans Venlo wuurt geprissenteerd. Gans verkleid kómme is neet nuuedig, ein joeksig hudje op de kop is al genóg um binne te meuge kómme. ‘n Vakbekwame jury bepaolt wae ’t moeëjste hudje van d’n aovend op de kieëbus haet en guuef dao ‘ne schoeëne pries veur weg.
Prinseresepsie
Viertieën daag nao ’t oetkómme van de niee prins van De Vaegers, kin iddere Venlonaer de nieje hoeëgheid en zien adjudante kómme fillicitere op zien Groeëte Resepsie. ‘t Dreejspan wuurt speciaal veur dees gelaegenheid thoes aafgehaold daor de Raod van Elf en ‘t Joeksmobiel. Mit vuuel geträöt, joeks, plezeer en ‘n bietje beer bringk ‘t Joeksmobiel d’n hoeëgheid nao de Vaegersresidensie (De Golden Tijger) wao um elf minute euver twieë de resepsie begint.
Aaftreje Dreejspan
Örges in november kump d’r ‘n ind aan de regeerperiode van de Vaegersprins en zien adjudante. Zien letste opwachting mak de prins op 'ne joeksige Vaegersdaag dae in de stad wuurt gehalde. Ein gevarieerd program van meziek en buutereedners wuurt gevolg door ’t aaftreje van 't dreejspan.
Tiejes de zitting wuurt smeis ouk de Hoesorde van V.G. de Vaegers oetgereik aan ‘ne persoeën dae zich op ein bizóndere wies haet ingezatte veur de Venlose Vastelaovend.
